Буряад хэлэн

Автор

Очирова Е.Б., Очирова В.Н., Доржиева Л.Д., Аюшиева С.И.

Серия

Школа России

Класс

1 класс

Тус программа бүридхэлгэ Россиин Федерациин һуралсалай шэнэ стандартын ёһоор эмхидхэгдэнэ.

Шэнэ стандарт хэрэглэн хүдэлжэ байһан багша бүхэн нэн түрүүн «Буряад хэлэн» гэһэн һуралсалай номой удха шадабаринуудые бүрилдүүлхэтэй тааруулха, тэдэ шадабаринуудые баримталан түсэбөө табиха болоно.

«Самостоятельность» гэһэн компетенции бүрилдүүлхэдээ, яажа, ямар хараса баримталха болонобиб гэжэ ойлгохо хэрэгтэй. «Самостоятельность» гэһэн шанар хүгжөөлгэ хадаа сэгнүүлжэ һургаха ажал дээрэ үндэһэлнэ. Багша үхибүүдтэ сэгнэлтэ гэһэн зэр зэбсэг гартань барюулжа, өөрынь ажал, нүхэдэйнь ажал сэгнүүлжэ һургана.

Багша бүхэн өөрынгөө һурагшадтай тэдэ критеринүүдые гаргаха болоно, тиихэдэ нүгөө классай үхибүүд багшатаяа тэрэл даабари дүүргэхэдээ, тон ондоо критеринүүдые, тодорхойлон хэлэбэл, ондоо талануудыень сэгнэхэдээ болохо.

Буряад хэлэ эхин шатын һургуулида үзэхэдөө, һурагшад хайшаашье тэгшэ, юрэнхылэгдэһэн шадабаринуудтай (универсальные учебные действия – УУД) болохо ёһотой; багша бүхэн өөрынгөө предмедэй аргаар тэдэ шадабаринуудые хүгжөөхэ уялгатай.